“Toshkent  univermagi” АJ Сизни 2015  йил  18  июнь  куни  соат  10.00да  Тошкент   ш., Ўзбекистон  шоҳ  кўчаси,  17 – уйда  жойлашган  универмагнинг  4- қаватидаги  “Маънавият  ва  маърифат”  хонасида акциядорларнинг  йиллик  умумий  йиғилиши  ўтказилиши  ҳақида  хабардор  қилади. Жамиятнинг  веб-сайти  -  www.tustore.uz . Электрон  почта  манзили   -  Бу электрон манзил спамлардан химояланган. Уни куриш учун JavaScript ни ишга туширишингиз керак.

                                                                    КУН   ТАРТИБИ:

1. Жамият  Кузатув  кенгашининг  2014  йил  бўйича  ҳисоботини  тасдиқлаш.                                                
2. Жамиятнинг  2014  йилдаги  молиявий-хўжалик  фаолияти  якунлари  ва  бизнес-режанинг  бажарилиши  бўйича  Бошқарув  ҳисоботини  тасдиқлаш.
3. Жамият  тафтиш  комиссияси  ва  аудиторнинг 2014  йил  бўйича  хулосаларини  тасдиқлаш.
4. Жамиятнинг 2014  йил  бўйича  йиллик  ҳисоботини,  бухгалтерия  балансини, фойда  ва  зарар  бўйича  счетларни  тасдиқлаш.
5. Жамиятнинг  2014  йилдаги  соф  фойдасини  рақсимлаш  тартибини  тасдиқлаш. Тўланадиган  дивидендлар  миқдорини,  уларни тўлаш  тартиби  ва  муддатини  тасдиқлаш.
6. Акциядорлар  томонидан талаб  қилиб  олинмаган  2010  йил учун   дивидендларни  Жамият  ихтиёрига   ўтказиш.
7. Жамиятнинг  2015  йил  учун  бизнес-режасини  тасдиқлаш.
8. Жамиятнинг  ташкилий  тузилмасини  тасдиқлаш.
9. Кузатув  кенгаши  аъзоларини  сайлаш.  Кузатув  кенгаши аъзоларига бериладиган  пул  мукофоти   миқдорларини  тасдиқлаш.
10. Тафтиш   комиссияси  аъзоларини   сайлаш.  Тафтиш  комиссияси  аъзоларига  бериладиган   пул  мукофоти  миқдорларини  тасдиқлаш.
11. Бошқарув  Раисини  ва  Бошқарув  аъзоларини  сайлаш.
12. Устав   фондини  акцияларнинг  номинал  қийматини  ошириш  йўли  билан  кўпайтириш. Янги  қимматли  қоғозлар чиқариш  тўғрисида  қарор  қабул  қилиш.
13. Эълон қилинган акцияларнинг  энг кўп миқдорини белгилаш.
14. Жамият  Уставига  ўзгартириш  ва  тўлдиришлар  киритиш. 
15. ”Ижроия  органи –Бошқарув тўғрисида”ги Низомга ўзгартириш ва тўлдиришлар киритиш.
16.  Ички  меъёрий  ҳужжат  -   янги  таҳрирдаги  “Ижро  органи  ва  Кузатув  кенгашини  моддий  рағбатлантириш  тўғрисида”ги  Низомни  тасдиқлаш.
17. Жамиятнинг  2015 йилдаги  молиявий-хўжалик  фаолияти  бўйича  аудиторлик  текширувини  ўтказиш  тўғрисида.  Аудиторлик  ташкилотини  ва  унинг  хизмат  ҳақи  миқдорини  тасдиқлаш.
18.  2015  йилда  кўрсатиладиган  ҳомийлик  ва  хайрия  ёрдами  миқдорини  тасдиқлаш.

Жамият  акциядорларини  акциядорларнинг  йиллик  умумий  йиғилиши  ўтказилиши  тўғрисида  хабардор қилиш  учун  акциядорларнинг  2015 йил  20  май  ҳолатига  кўра  шакллантирилган  реестрини тузиш  санаси.

Жамият     акциядорларининг       йиллик     умумий     йиғилишида      иштирок      этишлари     учун          акциядорларнинг 

2015  йил  12  июнь  ҳолатига  кўра  реестрини  тузиш  санаси.

Акциядорларни  акциядорларнинг  йиллик  умумий  йиғилиши  ўтказилиши  тўғрисида  хабардор  қилиш  ва  акциядорларнинг  йиллик  умумий  йиғилишида  иштирок  этишлари  учун  акциядорлар  реестрини  тузиш  санаси  ҳақида  қарор  қабул  қилиш  куни  -  2015  йил  20  май.              

Умумий  йиғилишда  иштирок  этишлари  учун  акциядорларда  шахсини  тасдиқловчи  ҳужжат,  акциядорларнинг  вакилларида  эса.  Ўзбекистон  Республикасининг  қонун  ҳужжатларига  мувофиқ  ҳолда  расмийлаштирилган  ишончнома  ва  паспорт  бўлиши  керак.   

Умумий  йиғилишга  тайёргарлик  кўриш  даврида  акциядорлар  Жамиятнинг  йиллик  ҳисоботи,  Жамиятнинг  йиллик  молиявий-хўжалик  фаолиятини  текшириш  натижалари  бўйича  тафтиш  комиссияси  ва аудиторлик  ташкилотининг  хулосалари,  Кузатув  кенгашининг  коллегиал  ижро  органи  аъзолари  билвн  тузилган  шартномалар  муддатини  узайтириш  мумкинлиги  тўғрисидаги  хулосаси,  Жамиятнинг  Кузатув  кенгаши  ва  тафтиш  комиссияси  аъзолигига  номзодлар    ҳақидаги  маълумотлар,  АЖнинг  Уставига киритилаётган ўзгартириш ва тўлдиришлар лойиҳаси  билан  ҳар  куни (шанба  ва  якшанбадан  ташқари)  соат  10.00 дан  13.00 гача  маъмурий  бинонинг  3  қаватидаги  26- хонада  танишишлари  мумкин.

“Акциядорлик  жамиятлари  ва  акциядорларнинг  ҳуқуқларини  ҳимоя  қилиш  тўғрисида”ги  Ўзбекистон  Республикаси  қонунининг  62-моддасига  мувофиқ  Жамият  акциядорларга   умумий  йиғилиш  ўтказилиши  тўғрисида  электрон  почта  орқали  хабарнома  юборишга  мажбур. Бундан  буён акциядорларнинг  умумий  йиғилиши  ҳақида  хабар  бериш  учун  Сиздан  электрон  почтангиз  тўғрисидаги  маълумотларни  бизнинг  электрон  почтамиз: e-mail:  info@tustore. uz га   ёки  веб- сайтимиз: www.tustore.uz  га  юборишингизни  сўраймиз.

Ушбу  орқали шуни  ҳам  эслатамизки,  “Акциядорлик  жамиятлари  ва  акциядорларнинг  ҳуқуқларини  ҳимоя  қилиш  тўғрисида”ги  Ўзбекистон  Республикаси  қонунининг  42-моддасига  мувофиқ   акциядор  ўз  акцияларига  бўлган  ҳуқуқларини  ҳисобга  олиш  бўйича  хизматлар  кўрсатувчи  депозитарийни  ўзига оид   маълумотлардаги  ўзгаришлар  ҳакида ўз  вақтида  хабардор қилиши  керак.  Акциядор  ўзига оид  маълумотлардаги  ўзгаришлар  тўғрисида  ахборот  тақдим  этмаган  ҳолларда  Жамият  акциядорга  ўз  вақтида  хабар  бермагани  ва шу  боис  акциядорга етказилган  зарар  учун  жавобгар бўлмайди.

Инвентаризация   ўтказилиши   ҳамда   акциядорларнинг  анкетадаги  маълумотлари  акциядорлар  реестридаги  маълумотларга солиштирилиши  муносабати  билан акциядорлардан мазкур  хабарномани  олганларидан  сўнг   паспорт ёки шахсни  тасдиқловчи  ҳужжатнинг  аслини  ва  нусхасини “Toshkent  univermagi” АJ га  тақдим  этишларини  сўраймиз. 

Кузатув кенгаши